L’idea da plants collectivs – sco quai ch’ins enconuscha dals Stadis Unids – vul la regenza svizra tematisar separà da la revisiun actuala da la procedura civila che va proximamain en il parlament federal. Quai ha il cussegl federal decidì suenter ch’i ha dà critica en la fasa da consultaziun. Damai che quai saja stà il punct il pli dispitaivel han ins vulì separar la part da la revisiun actuala, per betg periclitar l'entir project.
Surtut en connex cun l’affera da svapur tar VW era vegnì crititgà ch'i na dettia en Svizra betg la pussaivladad da s'unir per purtar plant.
Sias ulteriuras ideas per reveder la procedura civila vul il Cussegl federal dentant realisar: Per persunas privatas duai daventar pli simpel ed era pli bunmartgà dad ir avant dretgira.
RTR novitads 12:00