Per l'auter onn ha il Cussegl federal augmentà la renta minimala d'AVS e d'invaliditad per 10 francs e la renta maximala per 20 francs. L'argumentaziun è ch'era pretschs e pajas sajan creschidas. La renta minimala munta l'auter onn a 1185 francs – la maximala a 2370 francs. Quai chaschuna custs supplementars da 430 milliuns francs ad onn. Augmentà vegnan era contribuziuns per ils bains necessaris per viver tar las prestaziuns supplementaras.
RR novitads 11:00