Siglir tar il cuntegn

Header

Antenna da 5G.
Legenda: Maletg simbolic. Keystone
cuntegn

Svizra Cussegl federal adattescha prescripziuns davart 5G

Il Cussegl federal ha eliminà mancanzas en l'ordinaziun. Quellas pudessan franar il svilup da 5G. Tranter auter ha el agiuntà ina limita da radis per ina da las novas frequenzas da 5G. Tar las limitas existentas na datti naginas midadas.

Il Cussegl federal ha tranter auter agiuntà ina limita da radis per ina da las novas frequenzas da 5G. Tar las limitas existentas na datti dentant naginas midadas.

Vitiers ha la regenza decidì da laschar observar la radiaziun che deriva da las antennas dal func mobil. Cun quella midada sto l'uffizi federal regularmain infurmar davart la situaziun actuala. Ch'ins veglia observar la radiaziun, haja surtut da far cun las malsegirezzas davart 5G en la populaziun.

Gia enconuschent è ch'ina gruppa da lavur manada da l'Uffizi federal d'ambient prepara per questa stad in rapport. Quel duai analisar ils basegns ed ils ristgs en connex cun il func mobil e la radiaziun.

RR novitads 12:00