Siglir tar il cuntegn

Header

Navigaziun

Purtret da la pagina booking.com
Legenda: Plattafurmas da reservaziun online vegnan pli e pli impurtantas. RTR, Lea Livers
cuntegn

Svizra Cussegl dals chantuns vul regular plattafurmas da reservaziun

Plattafurmas da reservaziun per hotels na duain betg pli pudair prescriver als hotels in pretsch minimal. Il Cussegl dals chantuns vul scumandar ina tala clausula. La moziun cun quest giavisch da Pirmin Bischof è vegnida acceptada.

L'uschenumnada paritad dals pretschs obligescha ils hotels da betg porscher chombras pli bunmartgadas sin l'atgna homepage che quai che las plattafurmas da reservaziun pon porscher. La moziun ch'il Cussegl dals chantuns ha acceptà ussa scumandass ina tala paritad dals pretschs. Uss va la fatschenta en il Cussegl naziunal.

Hotelleriesuisse taxescha questa decisiun sco pass impurtant per ina concurrenza internaziunala faira e cunter la dependenza creschenta che hotels han da plattafurmas da reservaziun.

RR novitads 06:00