Siglir tar il cuntegn
cuntegn

Svizra Cussegl dals chantuns spargna uss era tar ils purs

L’agricultura duai survegnir tranter ils onns 2018 fin 2021 en tut 232 milliun francs pli pauc che quai ch’il Cussegl naziunal vul dar.

Era l'agricultura duai purtar ina cumpart da las mesiras da spargn planisadas.
Legenda: Era l'agricultura duai purtar ina cumpart da las mesiras da spargn planisadas. Keystone

Cuntrari al Cussegl naziunal na vul il Cussegl dals chantuns betg proteger ils purs dal tut da mesiras da spargn. Uschia ha la chombra pitschna decis da stritgar las contribuziuns dals onns 2018 fin il 2021 per 232 milliuns francs en cumparegliaziun cun la proposta dal Cussegl naziunal. Tuttina è quai pli pauc che quai ch’il Cussegl federal propona.

En tut duai l’agricultura en Svizra vegnir sustegnida tranter ils onns 2018 e 2021 cun total 13,5 milliardas francs. La gronda part dals daners duai vegnir duvrà per pajaments directs.

La fatschenta va uss puspè en il Cussegl naziunal.

RR novitads 15:00