Il Cussegl dals chantuns vul finir la discussiun enturn l'artitgel d'immigraziun uschè svelt sco pussibel. Sco il Cussegl naziunal, refusa era el l'iniziativa da Rasa, senza cuntraproposta. Ils iniziants ston ussa decider sch'els vulan retrair l'iniziativa u betg.
Dischillus da Berna
I saja simplamain deplorabel di Thomas Geiser dal comité da la RASA ch'i na saja vegnì da Berna nagina cuntraproposta a l’iniziativa. Tenor el saja quai ina schanza manchentada.
Nus n'avain anc betg decidì, sche nus tirain enavos l'iniziativa u betg.
En ils proxims dis vegnian ins a discussiunar en il comité da la RASA sch’ins veglia trair enavos l’iniziativa u betg. Anc uss na saja decis nagut, ha ditg Geiser.
RR novitads 14:00
