Siglir tar il cuntegn

Header

Navigaziun

Cussegliera federala Doris Leuthard.
Legenda: La cussegliera federala Doris Leuthard ha preschentà il rapport dal Cussegl federal davart il Service Public. Keystone
cuntegn

Svizra Cussegl dals chantuns: Rapport davart Service Public

Il Cussegl federal scriva en ses rapport davart il Service Public ch’il model svizzer existent cun l’SRG/SSR è sa cumprovà. La purschida cun quatter linguas naziunalas è il gist model per il futur. Il Service Public sto dentant ir cun il temp per cuntanscher dapli persunas giuvnas.

Las opiniuns davart il rapport dal Service Public dal Cussegl federal dividan il Cussegl dals chantuns. D’ina vart vegn el valità sco ina buna basa per discussiunar. Da l’autra vart èn plirs cussegliers dischillus. Els spetgavan soluziuns concretas dal Cussegl federal. Ma cuntrari al Cussegl naziunal na vul il Cussegl federal betg in rapport supplementar.

Maioritad da cumissiun vul vinavant in ferm Service Public

La gronda part da la cumissiun dal Cussegl dals chantuns è dal avis da discussiunar las propostas fatgas dal Cussegl federal. I resta dentant pliras dumondas avertas. La partida populara (PPS) ed la partida liberala (PLD) ha crititgà il rapport sco memia restrenschì. Els han fatg la proposta da renviar il rapport dal Cussegl federal.

Tun moderà en il Cussegl dals chantuns

Il tun da la debatta en il Cussegl dals chantuns era moderà e senza gronda emoziuns. Probabel vegnan las emoziuns pir alura pli tard cura ch’il rapport dal Cussegl federal sur dal Service Public vegn tractada en il Cussegl naziunal.

RR actualitad 17:00

Roger de Weck directur SRG/SSR

In dals vehements defensurs dal Service Public è il directur general da l’SRG/SSR Roger de Weck. In dals puncts ils pli impurtants che discurrian per il Service Public è la solidaritad aifer las regiuns linguisticas.