Siglir tar il cuntegn

Header

Navigaziun

Paul Rechsteiner e Simonetta Sommaruga
Legenda: Paul Rechsteiner da la PS discuta cun cussegliera federala Simonetta Sommaruga. Keystone
cuntegn

Svizra Cussegl dals chantuns precisescha lescha d’immigraziun

Tar la realisaziun da l’iniziativa d’immigraziun da massa datti vinavant differenzas tranter las duas chombras parlamentaras. La ministra da giustia Simonetta Sommaruga ha manegià ch’i saja memia baud da discurrer davart cifras exactas. Il Cussegl federal vegnia a fixar ils detagls en in'ordinaziun.

Il Cussegl dals chantuns ha danovamain discutà la fatschenta e precisà tscherts puncts. Uschia vul el vinavant che firmas ston envidar ad in discurs dischoccupads indigens, sche la dischoccupaziun en la branscha è surproporziunala.

Il Cussegl naziunal aveva decis da metter ina limita pli auta. Questa mesira duai valair pir cura che la dischoccupaziun è considerablamain sur la media. La fatschenta va enavos en il Cussegl naziunal.

RR novitads 14:00