Il dumber da persunal tar la guardia da cunfin saja ils ultims onns gia vegnì augmentà, ha ditg il pledader da la cumissiun Isidor Baumann. In augment per ulteriuras 36 plazzas da lavur era vegnì refusà en l’ultima sessiun d’enviern dal parlament durant las discussiuns dal budget, questa decisiun saja da respectar, ha ditg Baumann.
Iniziativa dal chantun saja betg la buna via
Isidor Baumann ha plinavant dubis quai che pertutga l’iniziativa dal chantun. Ina tala giess pir en intgins onns en vigur. Eventualmain pudessia la dumonda d’augmentar il dumber da las guardias da cunfin puspè vegnida tractada en connex cun il budget. Lura giess la fatschenta gia l’auter onn en vigur.
RR novitads 12:00