Suenter il Cussegl naziunal pretenda er il Cussegl dals chantuns dal Cussegl federal da stgaffir ina basa legala per stabs da crisa. L'agir dal stab federal al cumenzament da la pandemia da corona è vegnì crititgà. La Confederaziun saja stada passiva e coordinada mal.
Co installar in stab da crisa e tge cumpetenzas ch'in tal ha duai vegnir prescrit en ina lescha. Ina moziun cun quellas pretensiuns va uss al Cussegl federal. Il qual n'è betg d'accord. Il chancelier federal Walter Thurnherr ha ditg ch'ins miria gia tge ch'ins possia far meglier al cumenzament d'ina crisa.
Stab da crisa per mancanza d'energia
Ils chantuns vulan in stab da crisa sin nivel federal en vista da mancanza d'energia. Christian Rathgeb, il president da la conferenza, aveva pretendì in stab permanent en ina brev al Cussegl federal fin avust. Ils chantuns na sajan betg involvids en la strategia da la Confederaziun. Er la communicaziun na funcziunia betg. Stabs da crisa permanents sajan lavurads en ed enconuschian in l'auter, e perquai pli effizients. Ils chantuns han gia experientscha cun tals stabs da crisa permanents.
