Siglir tar il cuntegn
Inhalt

Svizra Cussegl d'aministraziun da la SDA vegn encunter als emploiads

En vista al svilup dals ultims dis è il cussegl d’administraziun da la SDA sa decidì da vegnir encunter a ses emploiads. Anc quest'emna duai avair lieu in discurs cun il cussegl da redacziun.

Chauma.
Legenda: 40 da totalmain 180 plazzas duain vegnir stritgadas, quai n'acceptan ils emploiads betg simplamain uschia. Keystone

Il cussegl d'administraziun da l'agentura da novitads SDA haja la mesemna saira analisà il svilup dals ultims dis en ina sesida extraordinaria. Ed els sajan sa decidids dad offrir in discurs a la cumissiun da redacziun en ils proxims dis, uschia il cusseglier d'administraziun. En ils discurs veglian ins discurrer davart ils giavischs da la cumissiun da redacziun.

La mesemna avevan blers schurnalists demonstrà davant la Tamedia. La chasa editura è dasper la NZZ e la SRG, la pli gronda acziunara da la SDA. E dapi mardi fan ils emploiads chauma. La raschun è che 40 da las totalmain 180 plazzas duain vegnir stritgadas.

RR novitads 06:00