En la Bassa pon ins emprender Rumantsch sursilvan e vallader en differentas localitads: Tar la Klubschule Migros, tar differentas scolas privatas, tar la Volkshochschule Turitg sco era als curs da rumantsch a l’universitad da Turitg, Friburg e Genevra.
Ils scolars da la scola privata da Remo Arpagaus, sco era ils scolars da la Volkshochschule Turitg han tuts differents motivs, pertge ch'els emprendan Rumantsch. Ils ins han chasa da vacanzas en il Grischun, auters han partenaris che discurran rumantsch ed anc auters chattan simplamain in bel linguatg per emprender:
Emprender in linguatg è ina chaussa – duvrar il linguatg in'autra
Ils scolars da Turitg han differentas modas, per discurrer e tegnair frestg il vocabulari rumantsch el mintgadi. Sa chapescha tutgan qua era las medias digitalas sco era la gasetta rumantsch vitiers:
«Discurri rumantsch»
Remo Arpagaus dat gia dapi blers onns curs da Rumantsch privats. Per quest onn ha el radund 10 enfin 15 scolars, che schazegian mintg'onn da nov sias lecziuns en gruppas pli pitschnas.
Anc pli impurtanta ch'ina buna instrucziun, saja dentant il trenament pratic 1:1, di Remo Arpagaus. Perquai haja el anc in giavisch a la rumantschia: Ins duessi discurrer rumantsch cun insatgi ch'è vid emprender noss linguatg, e betg direct guntgir sin lingua tudestga.
Visità ils curs da rumantsch a Turitg ha nossa praticanta Svetlana Munderich. Er ella ha fatg ina versiun auditiva da ses inscunters en la «pli gronda vischnanca rumantscha»:
RR actualitad 08:00