Siglir tar il cuntegn

Header

cuntegn

Svizra «Curs da l'euro stuess atgnamain esser tar 1,25»

Avant in mez onn, ils 15 da schaner 2015, ha Thomas Jordan, il president da la Banca Naziunala Svizra, schoccà l’entir pajais cun l’aboliziun dal curs minimal dal euro.

audio
Mezdi: Mez onn suenter che la BNS ha abolì il curs minimal
ord Actualitad dals 15.07.2015.
laschar ir. Durada: 6 minutas 49 Secundas.

Il curs da l'euro è l’emprim crudà in toc sut 1 franc e suenter lura sa stabilisà tar rodund 1,04 CHF per euro. Tenor l’expert da finanzas, Damian Gliott, vegnia quai era a restar uschia a media vista. A lunga vista pudess il curs schizunt anc sa sbassar, uschia Damian Gliott.

audio
Saira: Dir temps per il turissem svizzer suenter l’aboliziun dal curs da l’euro
ord Actualitad dals 15.07.2015.
laschar ir. Durada: 3 minutas 5 Secundas.

Schliar problems entaifer l'Europa

Sch’ins miria dentant con ferma che l’economia en ils pajais da l’euro è, stuess il curs esser tar rodund 1,25 francs. Perquai stuess la UE dentant dumagnar da schliar ses problems entaifer l’Europa. «En quai craja dentant nagin», di Gliott. Las refurmas na vegnian betg messas enturn consequentamain. Il motiv saja ch'ils pajais sappian, che quai na vegnia ad avair naginas consequenzas.

L'expert da finanzas, Damian Gliott.
Legenda: RTR
Sche jau sai che nagin dat a mai giu per la detta, cura ch’jau na sa tegn betg vi da quai ch’è prescrit, èsi cler che l’entir sistem na funcziuna betg. E quai schabegia il mument en Grezia.
Autur: Damian Gliott Expert da finanzas

Artitgels legids il pli savens