Svizra - Cunvegna tranter Svizra e UE lascha spetgar
Il termin per las contractivas davart ina cunvegna da basa cun l'Uniun europeica è tenor la cumissiun da l'UE passà. Ins vegnia uss a giuditgar l'entira situaziun politicamain, di la cumissiun da l'UE. Il Cussegl federal n'ha fin uss dentant betg confermà quai ed er betg prendì posiziun en chaussa.
Tenor il vicechancelier Jörg de Bernardi era la cunvegna da basa in tema en la sesida dal Cussegl federal. Lez haja prendì per enconuschientscha ils resultats da las contractivas, ha de Bernardi ditg vinavant. El ha er accentuà ch'i saja mai vegnì menziunà in termin final. Per il Cussegl federal saja la qualitad da las contractivas decisiv. La regenza vegnia ad infurmar al dretg temp.
