Ad ina clausura d'Europa ha il Cussegl federal discutà davart las relaziuns bilateralas tranter la Svizra e l'Uniun europeica. Las discussiuns vegnian cuntinuadas en ina da las proximas sesidas dal Cussegl federal è vegni communitgà suenter la clausura.
Per il Cussegl federal è la relaziun cun l'Uniun europeica sa normalisada mo parzialmain. Ina soluziun d’ina cunvegna da basa cun l’Uniun europeica è il mument anc lunsch davent, quai scriva il Cussegl federal en ses rapport da la politica dal exteriur dal 2017.
La normalisaziun da la relaziun tranter la Svizra e l’Uniun europeica è sulet per part gartegiada. Cun per exempel conceder a la bursa svizra in certificat d’equivalenza sulet per in onn, emprova l’UE da far squitsch sin la Svizra. Quai na saja en questa furma betg gist ed era discriminond, scriva il Cussegl federal en ses rapport.
Nagin squitsch
Be la Svizra na sa laschia betg metter sut squitsch. Ins veglia serrar giu las tractativas cun ina schliaziun en l’interess da la Svizra, mo da quai sajan ins anc lunsch davent. Necessari saja ina discussiun da basa sur dals avantatgs e dals custs d’ina tala cunvegna.
RR novitads 15:00