Siglir tar il cuntegn
cuntegn

Svizra Cuntravent per il traffic da rauba sin ils binaris

Il traffic da vitgira sin ils binaris tras las Alps è sa reducì il prim mez onn. Er il traffic da camiuns è però sa reducì sin il pli bass nivel dapi il 1999.

Tren da vitgira sin la lingia dal Gottard.
Legenda: Ils emprims sis mais han 14,6 milliuns tonnas rauba traversà il Gottard ed il Simplon sin ils binaris. Keystone

Ils emprims sis mais han 14,6 milliuns tonnas rauba traversà il Gottard ed il Simplon sin ils binaris. Quai èn 200'000 tonnas u 1,5% damain ch’il prim semester da l’onn passà, communitgescha l’uffizi federal per il traffic.

Squitsch da concurrenza

La cumpart da la viafier sin l’entir traffic che traversa las Alps è uschia sa reducì da 71,2 sin 70,9%. Tenor l’uffizi federal è quai l’emprima giada dapi il 2013 ch’il traffic sin ils binaris è sa reducì. La raschun saja dasper il squitsch da concurrenza er la gronda activitad da construcziun.

7000 camiuns da vitgira damain

Er sin la via è il traffic da vitgira sa reducì ils emprims 6 mais da l’onn. Il dumber dals camiuns ch’han traversà las Alps è sa reducì sin 489'000. Cumpareglià cun la medema perioda da l’onn passà èn uschia charrads 7000 camiuns damain (-1,5%) tras las Alps.

RR novitads 18:00