Siglir tar il cuntegn

Header

cuntegn

Cunfins eran serrads Damain dumondas d'asil pervi da lockdown

7'753 dumondas d'asil èn vegnidas inoltradas ils emprims nov mais da quest onn a las autoritads svizras. Cumpareglià cun la medema perioda da l'onn avant è quai ina diminuziun per stgars 28%. Quai mussan las novas cifras dal Secretariat da stadi per la migraziun SEM.

La ferma diminuziun declera il SEM cun ils cunfins ch'èn stads serrads la primavaira pervi da la pandemia da corona. La migraziun d'asil saja a partir da mez mars 2020 praticamain vegnida fermada dal tut. Las controllas al cunfin ed ils cunfins serrads hajan impedì la migraziun fermamain, scriva il SEM.

Las cifras actualas ston dentant vegnir interpretadas cun precauziun. Als cunfins da l'Europa, en l'Africa ed il Proxim orient datti numnadamain anc adina blers fugitivs. Uschia è la diminuziun lura il terz quartal, cura ch'ils cunfins eran puspè averts, stada cun 14,3% pli pitschna. La raschun per quellas cifras anc adina pli bassas ch'ils onns avant, vesa il SEM tranter auter tar las acziuns da las autoritads da cunfin da la Tirchia.

audio
Per tadlar curt e cumpact
ord RTR Audio dals 23.10.2020. Maletg: Keystone
laschar ir. Durada: 1 minuta 9 Secundas.

RTR novitads 12:00

Artitgels legids il pli savens