Siglir tar il cuntegn

Header

Navigaziun

Microfon.
Legenda: 84% dals dumandads elegessan anc ina giada la professiun da schurnalissem. Keystone
cuntegn

Svizra Cundiziuns da lavur per schurnalists èn vegnidas mendras

La maioritad dals schurnalists n'è betg cuntenta cun lur cundiziuns da lavurar.

51% dals schurnalists descrivan lur cundiziuns da lavur sco «plitost enfin insumma betg bunas». Mo 39% s'expriman d'esser cuntents cun las cundiziuns da lavurar. Tuttina sa decidessan 84% dals dumandads anc ina giada per la professiun.

Ina da las pli grondas sfidas è – tenor ils schurnalists interrogads – la pressiun da custs. Che politichers emprovan d'influenzar la rapportaziun cun squitsch para dad esser ina sfida main problematica. Tuttina han 23% inditgà che politichers hajan gia mess els sut pressiun.

Cundiziuns per la maioritad daventadas mendras

79% dals 332 schurnalists ch'èn vegnids dumandads han inditgà che lur cundiziuns da lavur sajan vegnidas mendras, 11% èn stads da l'avis ch'i n'haja betg dà grondas midadas e 6% è perfin da l'avis che las cundiziuns sajan sa meglieradas. Quai ha communitgà l’institut demoscopic Marketagent.com.

RR novitads 12:00