Siglir tar il cuntegn

Header

cuntegn

Svizra Cundiziuns da lavur èn bunas en Svizra

Las cundiziuns da lavur èn bunas en Svizra. Bunamain nov da diesch persunas èn tenor in studi cuntentas. Ma il squitsch al post da lavur crescha – surtut il squitsch fisic. Quai scriva il Secretarit da stadi per l'economia Seco.

audio
Mezdi: Seco conferenza europeica – cundiziuns da lavur
ord Actualitad dals 22.05.2017.
laschar ir. Durada: 2 minutas 34 Secundas.

Cumpareglià cun il 2005 èn ils cas cun problems da la posiziun e da moviments dal maun u dal bratsch adina ils medems s’augmentads per passa 10%. Quai mussa il sisavel studi europeic davart las cundiziuns da lavur.

Sco 60% da las persunas interrogadas han ditg lavurian ellas almain in quart dal temp cun in aut temp u sut squitsch da termins. Questas cifras da la Svizra èn era en la media europeica.

Buna sanadad

Bunamain nov da diesch persunas che lavuran en Svizra sa sentan saunas. Uschia è la Svizra radund 10% sur la media europeica. Tuttina han relativamain bleras persunas inditgà d’esser stadas pertutgadas almain ina giada ad onn d’in problem da la sanadad.

Il problem grond è mal il dies

In dals gronds problems da sanadad tras la lavur è mal il dies (36%) mal il chau ed ils egls (34%) e problems musculars vid las spatlas ed il dies.

RR novitads 12:00

Artitgels legids il pli savens