Cun sang fraid cunter mustgins

Locarno, la pli chauda citad da la Svizra vul cumbatter ils mustgins-tigher. Sco quai che l'agentura da novitads sda scriva, ha la citad relaschà strictas ordinaziuns per la populaziun.

Purtret d'in mustgin-tigher

Legenda da maletgs: Il mustgin-tigher po tranportar diversas malsognas. Keystone

Tranter auter duai la populaziun da Locarno svidar almain mintg'emna l'aua en ils vaschs da flurs. Almain ina giada l'emna duain ils da Locarno laschar sientar ils plats sut ils vaschs da flurs. Plinavant vegn pretendì da dismetter il rument almain ina giada l'emna e da serrar quel a moda ermetica. Ultra da quai na dastgi betg avair aua en pneus deponids ed ils reservuars ston esser serrads. La finamira saja d'evitar aua marscha.

Quest'ordinaziun duai valair a partir dals 11 da mars. Tgi che na respecta betg questas reglas sto quintar cun in chasti da tranter 50 e 10'000 francs.

Il mustgin-tigher Asiat po transportar malsognas tropicas sco la fevra da Dengue ubain la fevra da Chikungunya. Tenor l'organisaziun mundiala da la sanadad, WHO, na pon ins er betg excluder ch'il mustgin po infectar cun il virus Zika.

RR novitads 7:30