Svizra - Cun iniziativa d'ierta cumbatter la repartiziun malgista
La taglia sin l'ierta è tenor il comité d'iniziativa in instrument per cumbatter la repartiziun malgista da la ritgezza en Svizra. Ozendi possedian ils 2% dals pli ritgs pajataglia en Svizra tuttina bler facultad sco il rest da la populaziun.
Cun betg suttametter a la taglia iertas pitschnas u mesaunas possian ins reducir la concentraziun da facultad, uschia il comité ch'ha lantschà oz il cumbat da votaziun. La Svizra haja la pli auta concentraziun da facultad da tut ils pajais da l'OECD.
L'iniziativa pretenda ina taglia da 20% sin iertas da passa 2 milliuns francs. Il suveran svizzer votescha ils 14 da zercladur davart l'iniziativa.
