La Confederaziun sustegn quest onn otg ulteriurs programs per spargnar energia cun 23 milliuns francs. I sa tracta da projects aifer l'industria, ils servetschs e las chasadas. Fin la fin d'avust avevan gia 49 projects survegnì contribuziuns da promoziun da 10 milliuns francs, sco l'Uffizi federal d'energia communitgescha. Quai è la 13avla giada che la Confederaziun ha scrit ora concurrenzas per tals projects.
Ils programs cumpiglian:
- mesiras da spargnar electricitad per tschalers da vin
- in'alternativa per apparats da buglir che dovran ina massa electricitad
- mesiras per implants d'aria cumprimida u in'alternativa per motors electrics
- in program per l'entira sanaziun da l'illuminaziun
audio
Per tadlar: las novitads da las 12:00
ord RTR Audio dals 26.09.2022.
laschar ir. Durada: 5 minutas 26 Secundas.
