Siglir tar il cuntegn

Header

video
La debatta davart las segundas abitaziuns en il Cussegl naziunal
Or da Telesguard dals 03.03.2015.
laschar ir. Durada: 2 minutas 59 Secundas.
cuntegn

Svizra Cumpromiss sin buna via da vegnir acceptà

En la debatta per realisar l'iniziativa d'abitaziuns secundaras è il Cussegl naziunal sin curs dal cumpromiss, ch'è vegnì contractà da la PPS, da la PLD e da la co-inizianta Vera Weber.

Cun gronda maioritad ha la chombra gronda acceptà las propostas da cumpromiss, ed ha uschia decidì auter ch'il Cussegl dals chantuns.

La pli gronda midada è, ch'i na dat nagina excepziun dal scumond da construcziun per abitaziuns che vegnan scrittas ora a fit, las uschè numnadas abitaziuns da plattafurma.

Cumpromiss ha sfullà via

Il glindesdi saira eran las partidas PPS e PLD sa cunvegnidas ad in cumpromiss cun ils iniziants. Sin basa da quest cumpromiss ha la maioritad dal Cussegl naziunal alura decidì d’entrar en materia. Propostas da betg entrar eran vegnidas da la sanestra.

Las conturas dal cumpromiss

Ils iniziants èn pronts da desister dad in referendum, sch'i na dat naginas excepziuns per novas abitaziuns secundaras che vegnan scrittas ora permanentamain en l'internet per dar a fit.

Ed ils burgais desistan sin 3 excepziuns:

  • stritgar abitaziuns da plattafurmas (era abitaziuns ch'èn scrittas ora en l'internet na dastgan betg pli vegnir bajegiadas)
  • hotels ch'èn passa 25 onns vegls na pon betg vegnir midads dal tut en abitaziuns secundaras (sulet per la mesadad)
  • la pussaivladad da midar chasas veglias en abitaziuns secundaras vegn restrenschida

RR novitads 23:00/RR novitads 11:00

Artitgels legids il pli savens