Siglir tar il cuntegn

Svizra Cumissiun pretenda congedi da geniturs

La cumissiun federala per dumondas da dunnas pretenda in congedi da 24 emnas reglà e pajà per geniturs. Ina part da quest temp da geniturs duai esser reservà liant per ils babs. Tenor la cumissiun è la situaziun actuala nuncuntentaivla.

Geniturs cun lur uffant novnaschì.
Legenda: Ils geniturs dovrian temp per sa chattar sco famiglia e per s’organisar, argumentescha la cumissiun sia pretensiun. Keystone

La Svizra n'enconuschia nagin congedi reglà giuridicamain per geniturs e nagin congedi per babs. I dettia sulet ina indemnisaziun per las mammas. Ils geniturs dovrian temp per sa chattar sco famiglia e per s’organisar, argumentescha la cumissiun sia pretensiun.

En il parlament aveva la proposta per in congedi da paternitad da duas emnas fatg naufragi avant curt. Ils sindicats pondereschan da far in'iniziativa dal pievel.

RR novitads 12:00