Gia avant 9 onns aveva la cumissiun cirtitgà la mancanza da transparenza e pretendì mesiras dal Cussegl federal. Entant è la realisaziun da questas vegnida examinada. Il fazit: La mesadad da las propostas n'èn anc betg vegnidas realisadas u mo per part. En ses rapport publitgà glindesdi pretenda la cumissiun ch'il Cussegl federal dad agir.
Custs per cussegliaziuns èn creschids per factur 3
Enconuschentas èn sulettamain las expensas per servetschs da cussegliaziun summarics. Dals onns 2009 fin 2013 èn quests creschids da 129 milliuns francs a 419 milliuns francs. La cumissiun vul infurmaziuns pli detagliadas.
Crap da stgarpitsch surtut la cussegliaziun politica
La critica pertutga surtut ils mandats per cussegliaziun politica. Là na sajan betg enconuschentas las summas exactas impundidas per talas cussegliaziuns. Il Cussegl federan n'haja era betg sut controlla quests custs che creschian adin apli fitg, renfatscha la cumissiun da gestiun.
RR novitads 12:00