Siglir tar il cuntegn
Inhalt

Svizra Cumissiun da finanzas na vul betg scursanir tar l’agricultura

La cumissiun da finanzas dal Cussegl naziunal na vul betg scursanir tar l’agricultura. Uschia ha la cumissiun da finanzas pretendì per il budget 2016 circa 89 milliuns francs dapli che quai ch’il Cussegl federal aveva proponì.

La cumissiun da finanzas dal Cussegl naziunal vul ch’ils pajaments directs als purs restan pli u main tuttina sco quest onn.
Legenda: La cumissiun da finanzas dal Cussegl naziunal vul ch’ils pajaments directs als purs restan pli u main tuttina sco quest onn. Keystone

La gronda part fiss en favur dals purs. Per pajaments directs per exempel pretenda la cumissiun in surpli da 61 milliun francs, uschia ch’ils pajaments directs restassan sin il nivel da quest onn. Il Cussegl federal aveva proponi da spargnar radund 60 milliuns francs tar l’agricultura.

La cumissiun da finanzas dal Cussegl naziunal sustegn perencunter da spargnar tar l’agid als pajais da svilup ina summa da radund 130 milliuns francs.