Siglir tar il cuntegn

Svizra Cumbat electoral uschè char sco en ils Stadis Unids

Il cumbat electoral actual pudess daventar in dals pli chars en l'istorgia da la Svizra. Cumpareglià cun l'onn 2011 èn las expensas fin ussa per radund in quart pli autas, quai rapporta l'emissiun 10 vor 10 dad SRF. Fin ussa han las partidas dà ora radund 3 milliuns francs.

divers placats per il cumbat electoral
Legenda: Placats per cumbat d'elecziun (maletg simbolic; placats dal cumbat da la primavaira en il chantun Turitg) Keystone

Cunquai che la finanziaziun da las partidas n'è betg transparenta sa basa SRF sin las cifras da Media Focus. L'interpresa persequitescha cuntinuadamain con fitg e savens che las partidas fan reclama. Avant quatter onns han las partidas dà ora il pli bler il mais d'avust. Las pli novas cifras èn dal mais fanadur. Lura han las partidas dà ora quest onn in zic damain ch'il 2011. Tuttina èn las expensas per radund in quart pli autas. Responsablas èn en spezial duas partidas.

Radund 90 % da las expensas van sin il quint da la PPS e da la PLD.

RR novitads 21:00