Siglir tar il cuntegn

Header

Navigaziun

Didier Burkhalter en discussiun
Legenda: Il cusseglier federal Didier Burkhalter propaghescha en ils Stadis Unids il fond per soliditad sociala. Reuters
cuntegn

Svizra Cumbat dal terrorissem ina da las sfidas centralas ozendi

Per cusseglier federal Didier Burkhalter è il cumbat cunter il terrorissem ed extremissem ina da las pli grondas sfidas da nossa generaziun.

Quai ha il minister da l'exteriur svizzer Didier Burkhalter ditg a chaschun d'in inscunter davart il tema extremissem a Washington. I saja ina gronda sfida da dar a persunas giuvnas - che vegnian surmanadas da l'extremissem - pussaivladads alternativas ed in senn da la vita.

Burkhalter ha envidà ils stadis da far part al fond per soliditad sociala cun sez a Genevra. Quest fond vul crear plazzas da lavur per glieud giuvna; tranter auter en il Bangladesch, il Mali, il Marocco e la Nigeria.