Quai ha confermà la fundaziun «Switch» al magazin da consuments «Espresso» da SRF. «Switch» administrescha las adressas d’internet cun la finiziun «.ch» en Svizra .
Products falsifitgads e maldiever da cartas da credit
En ils shops fraudulents vegnian per exempel vestgadira u tastgas da marcas enconuschentas fatg amogna bunmartgà. Savens survegnan ils cumpraders products falsifitgads u insumma nagut. Ultra da quai vegnan las datas da las cartas da credit malduvradas.
Suenter 40 dis puspè da cumprar
Sche ina pagina d'internet vegn bloccada e stizzada è quella puspè dada liber per la vendita suenter 40 dis. Deplorablamain vegnian quellas savens puspè cumpradas dals cugliunaders. Tenor pledader da «Switch» Roland Eugster emprovian els dentant dad engrevgiar uschè bain sco pussaivel il fraud e da far paginas «.ch» uschè segiras sco pussaivel.
RR novitads 11:00