Siglir tar il cuntegn
Inhalt

Svizra Cudeschet da servetsch militar digital

En ina moziun pretenda il cusseglier naziunal dal Son Gagl, Marcel Dobler, ch'il cudeschet da servetsch dal militar vegn remplazzà tras in digital. Il format da palpiri duai svanir.

Il cudeschet da servetsch dal militar.
Legenda: Il cudeschet da servetsch dal militar tutga forsa bainprest al passà. Keystone

In cudeschet digital na possia betg simplamain svanir ed ins na possia betg tatgar insatge suravi, ha Marcel Dobler argumentà sia moziun. Plinavant dettia pli paucs sbagls tar in cudeschet da servetsch digital, ed i giaja bler pli svelt d'emplenir ora quel. Quai muntia era pli pauca lavur per tut ils pertutgads.

Il Cussegl federal è d'accord cun la moziun e cusseglia d'approvar quella.

RR novitads 17:00