En connex cun il di dal cudesch ch'è oz han ils vendiders da cudeschs en Svizra tudestga undrà per l’emprima giada il cudesch preferì. Quel è «Der letze Schnee» da l’autur rumantsch Arno Camenisch. Quai scriva l’associaziun svizra dals vendiders da cudeschs e dals editurs.
Il cudesch aveva dumagnà en il final ensemen cun «Patria» dal Spagnol, Fernando Aramburu, «Der klügere lädt nach» e «Lied der Weite» dals Americans, Castle Freeman e Kent Haruf, sco era «Was man von hier aus sehen kann» da la scriptura Tudestga, Mariana Leky. Nominads han pudì vegnir cudeschs publitgads per tudestg da belletristica e cudeschs tematics.
En connex cun il di dal cudesch vegnan preschentads ulteriurs cudeschs preferids. Quels dals lavurers sco era quels da clients.
Ils 25 da matg 2018 envida RTR da star da cumpagnia e da giudair musica giuvna e texts or da la plima d'Arno Camenisch.
RR novitads 09:00