Siglir tar il cuntegn
cuntegn

Svizra CS rinforza vinavant il curs da spargn

La Credit Suisse rinforza danovamain sias mesiras da spargn. Fin il 2018 vul la segund gronda banca da la Svizra smatgar ils custs sin sut set milliardas francs, sco quai che la CS communitgescha.

Logo da la banca Credit Suisse.
Legenda: La Credit Suisse rinforza vinavant lur program da sbassar ils custs. Reuters

Fin ussa aveva la banca la finamira da reducir las expensas sin damain che 18 milliardas. En vista a las flaivlas fatschentas prenda la Credit Suisse gia suenter in onn cumià da sias cifras da gudogn en mira.

Anc betg cler èsi sch'i dat ulteriuras reducziuns da plazzas. La Credit Suisse fa naginas indicaziuns. Quest onn vul la banca gronda stritgar 6'000 plazzas da lavur. Sco la banca ha annunzià ha ella fin la fin november pudì reducir 5'400 plazzas da lavur.

RR novitads 08:00