Siglir tar il cuntegn

Header

cuntegn

Svizra CS fa in gudogn da 1,05 milliardas

La Credit Suisse ha fatg in gudogn da 1,05 milliardas il segund quartal da quest onns. Cunquai ha la banca gronda surpassà cleramain las spetgas. Analists avevan fatg quint cun in gudogn da stgars 800 milliuns francs.

Surtut l'administraziun da facultad saja creschida cumpareglià cun l'emprim quartal, communitgescha la Credit Suisse. Er l'investmentbanking però haja purtà in resultat solid. Il quartal avant aveva in chastì da milliardas en ils Stadis Unids smatgà la CS en las cifras cotschnas cun in minus da 700 milliuns.

Nova strategia per la CS

Sco quai ch'il CEO da la banca Tidjane Thiam ha annunzià, saja el vid elavurar ina nova strategia per la banca gronda. Latiers vegnia er examinà l'optimaziun dals secturs da fatschenta. Fin la fin da l'onn duai la nova strategia esser pronta. Tenor in rapport da la «Financial Times» ha Thiam ditg envers investiders ch'el veglia rinforzar l'administraziun da facultad cun acuqists supplementars.

RR novitads 07:00

Artitgels legids il pli savens