Siglir tar il cuntegn

Header

cuntegn

Svizra CS auza prognosa per economia

Ils economs da Credit Suisse han curregì vers ensi lur prognosa per la creschientscha da l’economia svizra. Tenor els crescha l’economia per 2,2% e betg mo per 1,7% sco prognostitgà avant in mez onn.

La raschun per la correctura da la prognosa è ina valitaziun pli positiva da las investiziuns en implants, vehichels e maschinas. L’economia d’export sa chatta, tenor la CS en in mini-boom. Quai pervi da la buna conjunctura internaziunala ed il franc svizzer che n’è betg pli uschè ferm.

In zic pli pessimistic che l'ultim atun vesan ils economs la situaziun tar il consum privat e las investiziuns da construcziun. Omaduas prognosas èn vegnidas curregidas engiu.

RR novitads 10:00

Artitgels legids il pli savens