Siglir tar il cuntegn
Inhalt

Svizra Crudada da crappa: traffic da viafier al Gottard è interrut

La lingia da viafier tras il tunnel dal Gottard è interrutta en il chantun Uri. La sonda saira curt avant las 20:00 ha crappa rut las lingias d’electricitad en la vischinanza d’Amsteg.

In tren da la SBB.
Legenda: In tren IC cun 180 passagiers da viadi da Lugano a Turitg ha stuì vegnir evacuà. Blessads n'hai dà nagins. SRF, Beat Kälin

Tenor ina pledadra da las Viafiers federalas svizras examineschian ils geologs la situaziun, e la crappa stoppia vegnir rumida. Probabel vegn la lingia dal Gottard da viafier pir puspè averta il glindesdi da mezdi per tut il traffic.

Tranter Flüelen e Göschenen curseschan bus da substituziun. La SBB cusseglia a viagiaturs da Turitg a Milaun u viceversa da viagiar via Bern-Brig-Domodossola.

RR novitads 09:00