Siglir tar il cuntegn
Inhalt

Svizra Critica per ulteriur project d'informatica da la Confederaziun

La delegaziun da finanzas crititgescha in ulteriur project d'informatica dal Departament federal da defensiun. La critica pertutga la rait da func «Polycom» da la Confederaziun e dals chantuns.

Policist che communitgescha via func.
Legenda: Il sistem da func per il salvament e la segirezza vegn duvrà da la polizia, ils pumpiers e parts da l’armada. Keystone

L'entschatta da l'onn era vegnì enconuschent che l'optimaziun da quest sistem da 325 milliuns francs era vegnida surdada senza scriver ora. Avant gnanc in onn quintavan ins anc cun custs trais giadas pli bass. Tenor la delegaziun da finanzas parlamentara mancan savens cleras structuras e responsabladads bain definidas.

Project è sa tratg a la lunga

Betg il davos pervia da quests problems saja il project «Polycom» sa tratg a la lunga sur 14 onns, uschia la delegaziun da finanzas. Il 2015 era l’ultim chantun vegnì collià cun il sistem da func per il salvament e la segirezza sur il qual polizia, pumpiers e parts da l’armada communitgeschan a moda codada.

RR novitads 14:00