Siglir tar il cuntegn
cuntegn

Svizra Critica envers la revisiun davart energia atomara

Las midadas da las ordinaziuns pertutgant energia atomara dal Cussegl federal vegnan crititgadas.

Ovra atomara Beznau.
Legenda: Ils critichers pretendan ch'ins spetgia l'emprim la decisiun giuridica. Keystone

Critichers d'atom e pliras partidas crititgeschan las novaziuns tar la revisiun davart l'energia atomara dal Cussegl federal. Il Cussegl federal fetschia propostas avant ch'i saja decidì sche l'ovra atomara Beznau vala definitivamain sco segira u betg. Organisaziuns da l'ambient pretendan che l'ovra na fiss betg resistenta encunter terratrembels.

Ins duai spetgar cun las midadas da las ordinaziuns enfin che la dretgira haja decidì. Pir suenter duain ins interpretar las ordinaziuns actualas e far eventualas midadas. Da quest avis e il chantun da domicil da l'ovra atomara, il chantun Berna. Ma er ils Verds, la PVL e la PPS sustegnan questa posiziun. Il Cussegl federal veglia adattar las ordinaziuns per pussibilitar da cuntinuar il manaschi da Beznau.Quai cuntrafetschia al principi da la repartiziun da la pussanza, han ils Verds crititgà.

RR novitads 12:00