Svizra - Critica envers la banca naziunala e Cussegl federal
L’Uniun sindicala svizra crititgescha il cussegl federal e la banca naziunala svizra pervi dal ferm franc. La decisiun da la banca naziunala d'abolir il curs minimal da l’euro smanatschia da daventar la decisiun sbagliada la pli gronda dals davos onns.
La banca naziunala ed il Cussegl federal sajan ussa dumandads cun in curs minimal explicit u cun ina finamira da curs. Tenor basegn saja er inditgà tschains negativs u limitaziuns en il commerzi cun il franc. Ultra da quai condemneschan ils sindicats pajas en euros per cunfinaris. Quai saja illegal. (sda/cs)
