Siglir tar il cuntegn
Inhalt

Svizra Critica envers ils plans per l’infrastructura da viafier

La proposta da cumplettar l'infrastructura da viafier 2030/35 na cuntenta betg tuts. La Gruppa Svizra per las regiuns da muntogna SAB crititgescha quella sco betg suffizienta.

Er il Grischun duai vegnir resguardà en il proxim pass.
Legenda: Er il Grischun duai vegnir resguardà en il proxim pass. Keystone

Quella sa drizzia surtut sin las aglomeraziuns urbanas e las axas principalas da la Bassa e rinforzia la purschida ch’exisita gia. La SAB pretenda perquai ch'era basegns da la Svizra centrala e dal Giura vegnian resguardads.

Resguardar la Porta Alpina

I stoppia vegnir segirà che las novas colliaziuns a lunga distanza n’hajan betg per consequenza ch’il traffic regiunal vegnia a la curta. La gruppa pretenda perquai ch’er il project da generaziuns Porta Alpina vegnia resguardà en il proxim pass. Il project purtass ina gronda plivalur al chantun Grischun ed a las Alps centralas.

Parallel tar quai pretenda la gruppa mesiras politicas per cumbatter che las forzas da lavur sa concentreschian be sin ils centers.

RR novitads 12:00