En ina intervista cun las gasettas «Luzerner Zeitung» e «St. Galler Tagblatt» deplorescha Lobsiger ch’ina tala intervenziun saja stada necessaria. Uschia speria el che ina tala intervenziun restia unica ed el quintia anc adina che quai saja stà ina panna da communicaziun e betg ina sapientiva dischinfurmaziun.
Far quai ch’è necessari
Il Cussegl federal aveva publitgà ils 16 da favrer cunter saira ses messadi per la revisiun da las acquisiziuns publicas. En la communicaziun n’ha il Cussegl federal betg fatg attent sin ils plans da tegnair secret las acquisiziuns. Pir en ina communicaziun dal protectur da datas federal radund 20 minutas pli tard è la populaziun vegnida infurmada sur da quest fatg.
Prevegnir a la corrupziun
La proposta dal Cussegl federal è da publitgar acquisiziuns a partir d’ina summa da 50’000 francs. Quai pudessan esser per exempel expensas per tschainas ni viadis e quai po esser difficil. Gist qua saja impurtant che la lescha da publicitad valia, ha ditg Lobsiger en l’intervista cun las duas gasettas.
RR novitads 16:00