Siglir tar il cuntegn

Header

cuntegn

Critica als chantuns Aua sutterrana anc adina betg protegida avunda

Sco emprima ha la cumissiun da gestiun dal Cussegl naziunal chattà deficits tar la protecziun d'aua sutterrana. Il Cussegl federal è uss suandà a quella critica. Ils chantuns hajan anc adina betg realisà il dretg da protecziun d'aua sutterrana, 25 onns suenter la revisiun.

Cussegl federal vul far squitsch sin ils chantuns

Las resursas d'aua da baiver stoppian ins segirar. Perquai vul la regenza rinforzar ils instruments da controlla. Er vul ella metter atras auters instruments per la protecziun, sco territoris da protecziun d'aua sutterrana.

Er l'Uffizi per l'ambient è vegnì crititgà da la cumissiun da gestiun, el na saja betg avunda activ. Quai duai vegnir examinà tenor il Cussegl federal. Quel ha gist cumenzà ina revisiun da la protecziun da las auas. En il rom da la revisiun vul el er proteger regiuns or da las qualas ch'aua curra en il giaschament d'aua sutterrana.

audio
Per tadlar: las novitads da las 17:00
ord RTR Audio dals 04.10.2022.
laschar ir. Durada: 6 minutas 34 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga