Siglir tar il cuntegn

Header

cuntegn

Svizra Criteris transparents per filialas da posta

Il Cussegl federal duai pretender da la Posta in concept davart l'avegnir da la rait da las filialas, quai pretenda il Cussegl dals chantuns en ina moziun.

audio
Dapli transparenza tar ils plans da la Postaa
ord Actualitad dals 26.09.2017.
laschar ir. Durada: 44 Secundas.

Il Cussegl dals chantuns è malcuntent che la Posta reducescha la rait d'uffizis postals. Perquai pretenda el che la Posta elavuria in concept cun criteris transparents per ils lieus da las filialas da posta. Il Cussegl dals chantuns haja chapientscha che la Posta stoppia adattar sia rait da filialas al temp dad oz. Las autoritads communalas vegnian dentant savens messas avant fatgs accumplids. La Posta stoppia qua agir cun dapli sensibilitad.

Posta duai infurmar davart ses plans

Cun ina clera maioritad ha il Cussegl dals chantuns uschia incumbensà il Cussegl federal da procurar che la Posta infurmeschia davart ses plans per il futur.

Plinavant pretenda la chombra pitschna ch'il Cussegl federal preschentia al parlament entaifer in onn ina revisiun da la lescha da posta. En l'avegnir duain ils criteris che defineschan il service-public da la Posta resguardar meglier la situaziun en las regiuns, la cuntanschibladad da las filialas sco era ils basegns particulars da la populaziun.

RR novitads 11:00

Artitgels legids il pli savens