Siglir tar il cuntegn

Header

cuntegn

Svizra Crisa dal turissem grischun cuntinuescha

L'onn passà èn las pernottaziuns sa reducidas tant en Svizra sco er en il Grischun. En Svizra hai dà in minus lev. En Grischun però puspè in minus marcant.

Ina carta dal Grischun cun mintgamai sin las destinaziuns in paliet engiuvers (minus) u ensivers (plus). Ils blers van engiuvers.
Legenda: I va a val Damain pernottaziuns il 2015 cumpareglià cun l'onn avant quasi dapertut en Grischun. Grafica: RTR

L'onn passà ha la Svizra dumbrà en total 35,6 milliuns pernottaziuns. Quai èn 305'000 u 0,8% damain pernottaziuns ch'il 2014. Tenor l'Uffizi federal da statistica èn las pernottaziuns da giasts da l'exteriur sa sminuidas per bunamain 2% u 330'000 sin 19,6 milliuns. La dumonda da giasts indigens è restada pli u main sin 16,1 milliuns.

Dapli Chinais duajan vegnir cun skis en Svizra

Svizra Turissem vul en futur sa concentrar sin ils martgads en Scandinavia e en la China. La China è la quart impurtanta fiera per la hotellaria svizra. Uss vul Svizra Turissem er far pli conuschent ulteriuras regiuns turisticas en Svizra ordaifer las pli conuschentas destinaziuns. Er vulan ins promover la stagiun d’enviern en China.

La preschientscha ferma en l’Europa vegnia dentant mantegnida vinavant, ha ditg Jürg Schmid da Svizra Turissem. Dus facturs pudessan dentant franar il turissem ord l’Asia. Sin ina vart l’economia che vegn pli flaivla. Sin l’autra vart la tema d’acts da terror en l’Europa.

Legenda:
Pernottaziuns - cifras annualas dapi 2005 Uffizi federal da statistica (UST)

Crisa en il Grischun

En il Grischun èn las pernottaziuns sa sminuidas l'onn passà per bunamain 7% sin 4,7 milliuns. Las pernottaziuns en il Grischun èn per l'emprima giada sut 5 milliuns. Las pli grondas sminuaziuns hai dà ils mais mars, avust e december.

Val ha dumbrà cun 50'963 pernottaziuns in minus da 16,5%. En il Partenz èn las pernottaziuns idas enavos per 15,6% sin 75'413. La regiun turistica da Scuol/Samignun ha dumbrà 503'709 giasts u in minus da 5,1%. Er a San Murezzan resulta cun 1'480'418 pernottaziuns in minus da 7,6%.

Grischun dal nord

Legenda:
Pernottaziuns - cifras annualas dapi 2005 (Grischun dal nord tenor destinaziuns) Las cifras èn mintgamai per l'onn calendaric Uffizi federal da statistica (UST), Uffizi per economia e turissem Grischun

Il pli grond plus percunter ha registrà la regiun turistica dal Signuradi cun 13,8% u 40'805 pernottaziuns. Medemamain ha la regiun San Bernardino, Mesolcina/Calanca dumbrà cun 19'240 pernottaziuns in plus da 10,9%.

Grischun dal sid

Legenda:
Pernottaziuns - cifras annualas dapi 2005 (Grischun dal sid tenor destinaziuns) Las cifras èn mintgamai per l'onn calendaric Uffizi federal da statistica (UST), Uffizi per economia e turissem Grischun

Grischun central

Legenda:
Pernottaziuns - cifras annualas dapi 2005 (Grischun central tenor destinaziuns) Las cifras èn mintgamai per l'onn calendaric Uffizi federal da statistica (UST), Uffizi per economia e turissem Grischun

RR novitads 11:00

Artitgels legids il pli savens