Siglir tar il cuntegn

Header

cuntegn

Svizra Credits supplementars per fatgs d'asil

Suenter il Cussegl dals chantuns ha er il Cussegl naziunal ditg gea als credits supplementars. Quai cun 146 cunter 44 vuschs.

Ils fatgs d’asil vegnan quest onn pli chars che spetgà. Perquai ha dumandà il Cussegl federal il parlament per in credit supplementar da radund 207 milliuns francs. Il parlament ha approvà quest credit.

Da discutar ha surtut dà il dumber da requirents d’asil. En il budget 2015 era cuntegnì in dumber da dumondas d’asil da 22’000. Il mument quinta il secretariat da stadi per migraziun cun passa 30’000 dumondas d’asil quest onn. Quai è la raschun per ils credits supplementars.

La cussegliera federala Eveline Widmer-Schlumpf ha fatg attent ch'ils fatgs d'asil sajan exposts a situaziuns che sa midian spertamain. Il dumber da dumondas d'asil na saja betg previsibel.

Per il 2016 quinta ella cun credits supplementars en autezza da quest onn.

RR novitads 06:00

Artitgels legids il pli savens