La CS vul spargnar suenter che las cifras dal emprim quartal n’han betg cuntentà. Il 2018 vul la banca spargnar almain 4,3 milliardas francs enstagl da las 3,5 milliardas annunziadas fin uss, quai scriva la banca. Cunzunt l'affar commerzial ha giu da sbatter cun problems l’emprim quartal dal onn. Perquai vegnia quest sectur uss restructurà pli svelt. La CS vul stritgar en tut uss 6'000 plazzas en il sectur commerzial. Las fatschentas cun l'administraziun da facultad percunter sa sviluppan bain ils emprims mais da quest onn, scriva la Credit Suisse.
RR novitads 09:00