Siglir tar il cuntegn

Header

cuntegn

Credit Suisse Tidjane Thiam sa retira sco schef dal concern

Tar la Credit Suisse datti ina midada da pussanza. Il schef dal concern dat giu il timun sin ils 14 da favrer. En ses fastizs duai passar il schef da la CS Svizra, Thomas Gottstein.

Il CEO sa retiria suenter la preschentaziun da las cifras dal 2019, planisada per l'emna che vegn, scriva la banca. Il cussegl d'administraziun ha approvà unanimamain la demissiun da Thiam. Il schef partent sa lascha citar sco suonda en la communicaziun:

Jau sun ma cunvegnì cun il cussegl d'administraziun, ch'jau bandun la banca. Il medem mument sun jau losch da quai ch'il team ha dumagnà durant mes temp.
Autur: Tidjane Thiam CEO Credit Suisse

La Credit Suisse saja vegnida transfurmada cun success, haja ditg Thiam.

Plinavant ha Thiam dentant sincerà vinavant ch'el n'haja savì nagut da quai ch'ils top-managers sajan vegnids survegliads. Gliez aveva chaschunà grondas undas l'atun 2019.

Jau n'hai gì nagina enconuschientscha da la surveglianza da dus da mes collegas.
Autur: Tidjane Thiam CEO Credit Suisse

Dentant saja el pertschert che quest cas haja fatg donn a la Credit Suisse e ch'il cas haja chaschunà malsegirezza e suffrientscha. El deploreschia quai che saja capità, quai n'avessia mai pudì capitar.

Rohner ha fidanza dal cussegl d'administraziun

Entant ha il cussegl d'administraziun dentant articulà da fidar ad Urs Rohner. Rohner haja manà la CS durant quest temp turbulent a moda suverana. El duai restar president dal cussegl d'administraziun fin l'avrigl 2021.

Ord l'archiv da SRF

video
Nov cas da surveglianza tar la CS
Or da 10 vor 10 dals 17.12.2019.
laschar ir. Durada: 3 minutas 8 Secundas.

RTR novitads 08:00

Artitgels legids il pli savens