Siglir tar il cuntegn

Svizra Credit Suisse: Sin buna via cun la dretga squadra

Urs Rohner, il president dal cussegl d'administraziun da la CS è persvadì ch'i giaja en la dretga direcziun.

Urs Rohner, il president dal cussegl d'administraziun da la CS
Legenda: Urs Rohner, il president dal cussegl d'administraziun da la CS Keystone
La Credit Suisse è sin buna via ed ha la dretga squadra.

Da quest maini è il president dal cussegl d'administraziun Urs Rohner. A la radunanza generala da la CS a Turitg è Rohner sa defendì cunter la critica che la nova orientaziun da la banca saja vegnida instradada memia tard. L'emprim haja la banca stuì pensar a las consequenzas da la crisa finanziala ed a la dispita da taglia cun ils Stadis Unids. Pir suenter haja ella gì la libertad d'agir, uschia Rohner.

Pajas autas fatschentan ils acziunaris

Var 1600 acziunaris èn sa participads a la radunanza generala. Blers dad els han prendì il pled e crititgà las pajas autas dal management. Quellas sajan exageradas e nungiustifitgadas è stà d'udir. Thomas Minder, il bab da l'iniziativa da raffaders, ha ditg ch'i saja ina impertinenza da pajar tants bonus malgrà in onn da debachels.

RR novitads 14:00