Siglir tar il cuntegn

Header

cuntegn

Svizra Credit Suisse scumonda tschertas transacziuns cun Venezuela

La banca gronda Credit Suisse ha scumandà a ses collavuraturs tschertas transacziuns cun la Venezuela. Fatschentas cun la regenza da Venezuela e cun agenturas statalas dal pajais Sidamerican ston vegnir lubidas. Quai resulta d'in scriver intern.

I duai vegnir evaluà sch'i dat ristgs per la reputaziun da la Credit Suisse. La banca gronda na vul betg esser involvida en transacziuns cun ina regenza che na resguardia betg ils dretgs umans. In pledader da la CS ha confermà il cuntegn dal scriver envers l'agentura da novitads Reuters.

Cunter il president venezolan, Nicolas Maduro datti dapi mais protestas. Dapli che 120 persunas èn mortas durant quellas. L'opposiziun renfatscha al president ch'el veglia dismetter il parlament cun la nova radunanza constituenta dispitaivla, per pudair cuntanscher ina dictatura.

RR novitads 06:00

Artitgels legids il pli savens