Siglir tar il cuntegn
Inhalt

Svizra Credit Suisse fa prest 700 milliuns gudogn en l'emprim quartal

Il gigant Credit Suisse ha en l'emprim quartal dal 2018 fatg in gudogn da 694 milliuns francs. Quai èn 16% dapli che anc avant in onn durant il medem temp.

Credit Suisse.
Legenda: Tenor il CEO datti bler potenzial per crescher vinavant. Keystone

Sbassar ils custs per 6% e cun ina buna administraziun da la facultad, èn tenor atgnas indicaziuns ils motivs ch'han pussibilità a la banca Credit Suisse da dumbrar in plus da 16% cun in gudogn da 694 milliuns francs. Quai è in bun cumenzament da l'onn suenter trais onns cun sperditas.

Il terz e davos onn da nossa restructuraziun ha cumenzà bain.
Autur: Tidjane ThiamSchef da la CS

Il CEO Tidjane Thiam è damai cuntent cun ils emprims resultats da l'onn ed el vesa grond potenzial per crescher vinavant. Er cun la restructuraziun saja el cuntent. Il nov model da fatschenta saja sa cumprovà.

RR novitads 08:00