Il 2018 ha Tidjane Thiam gudagnà 12,7 milliuns francs. Quest onn survegn el 15% damain. Quai è da leger en il rapport da pajas publitgà oz. Dals 10,7 milliuns ch'el survegn èn 3,5 milliuns indemnisaziuns fixas, 7,2 milliuns è ina cumpart variabla da sia paja.
Motiv che l'anteriur schef da la banca CS Thiam perda ina part da ses bonus è er il scandal da surveglianza. La CS aveva surveglià il manager Iqbal Khan avant sia midada tar la concurrenta UBS sco era il schef da persunal da lez temp, Peter Goerke.
Dapli per acziunaris
Bain ha la Credit Suisse fatg dapli gudogn l'onn passà, tuttina hai dà damain daners per bonus. La banca è numnadamain s'obligada da dar vinavant ina pli gronda cumpart dal gudogn als acziunaris.
Damain paja che Ermotti
Cun sia paja gudogna Thiam damain che ses concurrent tar la UBS: Sergio Ermotti sco CEO da la pli gronda banca svizra ha gudagnà l'onn passa 12,5 milliuns francs.
